يا ليلة النور

١متعوب منّكْ يا خِلِّي على شانَكْ شلّيت كم من باطلْ ليه تجفيني

٢عاني وصلتك با شربة من المبسمْ ظامي فا ماء الكاسات يرويني

٣قفّيت منّي في الموسمْ ونا صابرْ لما متى باتِرْحَمْ باتواسينى

٤عندكْ خبرْ كيف حالي يوم قالوا ما عاد لكْ بي رغبة باتلاقيني

٥أما أنا والنبي مااسْلى ولا اتْقَنّعْ لّما قِدِ المَوْلى يهديكم ويديني

٦دوّرت مثلكْ في الدنيا ولا فيها ياسِيْدِي مَلاْ عَيْني لا هندي ولا صيني

٧عبدكْ أنا تحت أمركْ إيشْ جابوا لكْ عني خبرْ غاشك تِهْجُرْني وتقليني

٨لِيْلي صفا في سَمَرْكم يا مِهَلاّ يا ساجي الرّنا ليتكْ ليلة تناديني

٩ضاقت بي الدنيا ما عاد لي فيها راحة سوى لما ترضى وترضيني

١٠يابوي قَهْري عليكم فين بالْقاكم لا جيت لا باب المحبوب رَدّوني

١١شفّيت بي يا قمرْ شعبان ذي ما فيهم رحمةْ وذي عندك كادوني ويشنوني

١٢ياما بحالي منّكْ يا عسلْ صافي جُرْداني شفا وافي للقاصي وللدوني

١٣ماكان مِنْكُمْ واجبْ يوم أنا صابرْ يا سِيْدي على مابي أذكركم وتنسوني

١٤يافلّ فاتِشْ شَذِي يا ريحة الكاذي بعد الجفا رِيتَكْ زارةْ يوم تدعيني

اقرأ أيضًا لـأحمد فضل القمندان